Россия армиясида Украинага қарши ҳарбий хизмат қилган ўзбекистонлик судланди
Наманган вилоятида яшовчи 51 ёшли фуқаро Россия қуролли кучлари билан шартнома тузиб, Мариуполь шаҳрида хизмат қилган.
Вақтинчалик сақлаш ҳибсхонасида бўлганида, содир этган жинояти учун 5 йилгача озодликдан маҳрум этилиши ёки 6 йилга армия сафига қўшилиб, Украина ҳудудидаги ҳарбий амалиётларда қатнашиши мумкинлиги маълум қилинган. Шунингдек, унга Россия фуқаролигини олишнинг соддалаштирилган тартиби, жароҳат олган тақдирда нақд пул тўлаш ва бошқа имтиёзлар ваъда қилинган. Фуқаро К. дастлаб рад жавобини берган, бироқ кейинчалик вақтинчалик сақлаш ҳибсхонасидаги бошқа маҳкумларнинг босимидан сўнг рози бўлган.
Март ойида у қасамёд қилиб, милтиқчи этиб тайинланди. Ўтган йилнинг октябрь ойида унга Россия фуқароси паспорти берилган. Ўша йилнинг ноябрь ойида у ҳарбий қисмни тарк этиб, Россия паспортини кўрсатмай Ўзбекистонга қайтиб келган.
Суд мажлисида фуқаро К. ўз айбига қисман иқрор бўлди. У ҳарбий ҳаракатларда қатнашмаганини, фронтнинг биринчи сафида бўлмаганини, тўртинчи қаторда хизмат қилганини, Украина билан чегарани кесиб ўтмаганини ва фақат Россия ҳудудида – Мариуполда бўлганини айтган.
Қайд этилишича, у ўқ отиш майдончасига олиб борилиб, унга отишма ўргатилган ва ҳарбий тайёргарликдан ўтган. У бир ойдан ортиқ машғулот ўтказиб, аскарлар учун овқат тайёрлашга ёрдам берган ва кейин ошпаз этиб тайинланган. Унга гранатадан отишга рухсат берилмаган. Мариуполдаги бўлинмада хизмат қилган, кейинчалик хизмат жойидан қочиб кетган ва ўз ихтиёри билан Россия ҳудудини тарк этган. У буни босим остида қилганини таъкидлаб, жазони энгиллаштиришни сўраган.
Суд К.ни Жиноят кодексининг 154-моддаси 1-қисмида назарда тутилган жиноятни содир этганликда айбдор деб топиб, 5 йил муддатга озодликдан маҳрум қилиш жазосишга ҳукм қилнган.