Бектемир Мелиқўзиев 20 март тонгида профессионал боксдаги навбатдаги жангини ўтказади

Американинг Лос-Анжелес шаҳрида 20 март, якшанба тонгида профессионал бокс кечаси бўлиб ўтади.

Мазкур жанг оқшомида профессионал бокснинг супер ўрта вазн тоифаси вакили Бектемир Мелиқўзиев (8-1, 6 КО) иштирок этади. Ўзбекистонлик боксчи перулик Дэвид Зегаррага (34-7, 21 КО) қарши жанг қилади. Мусобақа Тошкент вақти билан 20 март тонгида бошланади.

Эслатиб ўтамиз, Мелиқўзиев сўнгги жангини 2021 йил 17 декабрда Тошкентда бўлиб ўтган бокс оқшомида ўтказганди. Ўшанда у россиялик Сергей Екимов (18-4, 9 КО) устидан ғалаба қозонганди.

Манба: daryo.uz