Саида Мирзиёева Президент администрацияси раҳбари лавозимига тайинланди

Ўзбекистонда Президент администрацияси раҳбари лавозими қайта ташкил қилинди. Шавкат Мирзиёев фармони билан Президент администрацияси тузилмасига ўзгартиришлар киритилди, деб хабар бермоқда унинг матбуот котиби.

Ушбу лавозимга шу вақтгача президент ёрдамчиси бўлиб ишлаган Саида Шавкатовна Мирзиёева тайинланди.

Эслатиб ўтамиз, 2023 йил август ойида Шавкат Мирзиёев Президент администрациясининг янги тузилмасини тасдиқлаганди. Унга кўра, президент администрацияси раҳбари лавозими бекор қилиниб, 2 та янги президент ёрдамчиси лавозими жорий этилган.

Шу муносабат билан Сардор Умурзоқов Президент администрацияси раҳбари лавозимидан озод этилганди. У давлат раҳбарининг махсус топшириқлар бўйича маслаҳатчиси лавозимига тайинланган.