Президент 523 киши, жумладан, 8 хорижликни афв этди

Президент Шавкат Мирзиёев Ўзбекистон мустақиллигининг 34 йиллиги арафасида жазони ўтаётган, қилмишига чин кўнгилдан пушаймон бўлиб, тузалиш йўлига ўтган бир гуруҳ шахсларни афв этиш тўғрисидаги фармонни имзолади, деб хабар берди «Ўзбекистон 24» телеканали.

Сюжетда таъкидланишича, авф этиш акти содир этилган жиноят фактини бекор қилмайди, аксинча «айбини англаган, қилмишидан пушаймон бўлган ва ўзини яхшилаш истагини исботлаган шахслар учун имконият» ҳисобланади.

Ҳужжат билан 523 нафар маҳкум афв этилди. Авф этилганларнинг умумий сонидан:

• 195 нафар шахс жазодан бутунлай озод этилди;
• 147 нафари — шартли-эрта;
• 87 нафарининг жазоси енгилроғига алмаштирилди;
• 94 нафарининг қамоқ муддати қисқартирилди.

Авф этилганлар орасида:

• 45 нафар аёл;
• 60 ёшдан ошган 31 киши;
• 30 ёшгача бўлган 220 киши, шу жумладан, битта вояга етмаган шахс;
• 8 нафар чет эл фуқароси, хусусан, Тожикистондан 6 нафар ва Сьерра Леонедан 1 нафар шахс;
• 15 нафар илгари тақиқланган ташкилотлар фаолиятида иштирок этган шахс.

Фармон ижросини таъминлаш мақсадида прокуратура ва тегишли идоралар томонидан озод этилган шахсларни яшаш жойига етказиш, шунингдек, чет эл фуқароларини ўрнатилган тартибда ўз ватанига депортация қилиш ишлари ташкил этилди.

Барча озодликдан маҳрум этилганлар профилактика ва синов дафтарига жойлаштирилади. Уларга бир марталик моддий ёрдам, зарур ҳолларда — чуқурлаштирилган тиббий кўрикдан ўтиш ва даволаниш, ишга жойлашиш, кредит ва субсидиялар олиш, шунингдек, фуқаролик ҳужжатларини расмийлаштириш ва пенсия олишда кўмак кўрсатилади.