US Open – 2021 чемпиони Эмма Радукану қайси жамоага мухлислик қилишини айтди
US Open – 2021 чемпиони, британиялик 19 ёшли теннисчи Эмма Радукану Штутгартдаги (Германия) машғулотда нима учун «Тоттенхэм» футболкасида фотосессияда қатнашганини тушунтирди. Суратга олиш пайтида Эмма 10-рақамли футболкани кийган эди.
Радукану Германияда WTA — 500 тоифасидаги турнирда иштирок этади. У биринчи даврада австралиялик Сторм Сэндерсга қарши баҳс олиб боради.
«Менинг жамоамнинг барча аъзолари «Тоттенхэм»нинг ашаддий мухлислари ҳисобланади. Улар мени «йўлдан урмоқда» ва мени ҳам бу бу жамоага мухлислик қилишимга астойдил ҳаракат қилмоқда. Мен футболни фаол кузатиб бормайман, лекин ҳозир «Тоттенхэм» туфайли футболга қизиқиб бораяпман.
Ўтган йили Европа чемпионатини кузатиб, Англия терма жамоаси сардори Харри Кейннинг ўйинларини томоша қилишдан завқланганман ва мен ҳам Сон Хин Миннинг ашаддий мухлисиман», — дея Радуканнинг сўзларини келтиради WТА матбуот хизмати .
