Дана Уайт Макгрегор ва Мейвезер ўртасида реванш жанги ташкил этилиши мумкинлиги ҳақидаги саволга жавоб берди

UFC лигаси президенти ва бош ижрочи директори Дана Уайт ярим енгил ва енгил вазн тоифаларида собиқ UFC чемпиони, ирландиялик Конор Макгрегор ҳамда бешта вазн тоифасида бокс бўйича собиқ жаҳон чемпиони Флойд Мейвезер-кичик ўртасида бокс қоидалари бўйича реванш жанги ташкил этилиши имкониятини баҳолади.

«Ушбу реванш борасидаги асосий эътирозим шундаки, биринчи жанг олдидан ҳам: «Бу ақлсизлик», деб ўйлагандим. Биз бу қарама-қаршиликни аллақачон кўриб бўлдик. Масалан, Конорнинг Макс Холлоуэй билан жангини олсак, уларнинг илк тўқнашувида Макгрегор ғалаба қозонганди, реваншда эса Макс зафар кучди. Бундай вазиятда трилогия ўтказиш ўринли. Мейвезер билан кечган баҳсда эса: »Биласизми, агар бу жангни қайтадан ўтказсак, натижа бошқача бўлиши мумкин", деб айтишимга мажбур қиладиган ҳеч қандай омил кўрмаяпман", — деди Уайт Bloody Elbow порталига берган интервьюсида.