UFC. Дана Уайт: «Хабиб барча даврларнинг энг буюк жангчисига айланган бўларди»

UFC президенти Дана Уайт ташкилотнинг амалдаги яримўрта вазн чемпиони Ислам Махачев ва собиқ чемпион Хабиб Нурмагомедовнинг ютуқларини ўзаро солиштирди.

Уайтнинг фикрича, Махачев октагонда узоқроқ фаолият олиб боргани эвазига UFC'да Хабибга қараганда кўпроқ муваффақиятларга эришган. Бироқ ташкилот раҳбари Нурмагомедов 2020 йилда фаолиятини якунламаганида, бундан ҳам ҳайратланарли мерос қолдириши мумкин эди деб ҳисоблайди.

«Очиқ-один кўриниб турибдики, Ислам Хабибга қараганда кўпроқ натижага эришди, чунки у узоқроқжанг қилди. Агар Хабиб фаолиятини давом эттирганида яна нималарга эриша олиш мумкинлигини ким билсин, дейсиз.

Ростини айтганда, агар Хабиб ҳамманинг қўлидан келишини яхши билган нарсаларини қилишда давом этганида, у шубҳасиз барча даврларнинг энг буюк жангчисига айланган бўларди», — деди Уайт TMZ Sports нашрига берган интервьюсида.