Жавохир Синдаров Sinquefield Cup 2026 мусобақасида 3 ўринни эгаллади

Ўзбекистонлик гроссмейстер Жавохир Синдаров АҚШнинг Сент-Луис шаҳрида ўтказилган Sinquefield Cup 2026 халқаро турнирида учинчи ўринни эгаллади. Бу ҳақда Ўзбекистон Шахмат федерацияси хабар берди.

Мусобақада жаҳоннинг энг кучли шахматчилари иштирок этди. Тўққиз тур якунларига кўра, Синдаров 5 очко жамғариб, кучли учликдан жой олди.

Турнирда биринчи ўринни Уэсли Со, иккинчи ўринни эса Рамешбабу Прагнанандха эгаллади. Жавохир Синдаров мусобақанинг бронза медалига сазовор бўлди.

Ўзбекистонлик гроссмейстер мусобақадаги иштироки учун 42 500 доллар миқдорида мукофот пули олди.