UFC. Ислом Махачев Қирғизистон президенти билан учрашди

UFCнинг ярим ўрта вазн тоифасида (77 кг гача) амалдаги чемпиони, россиялик Ислом Махачев Бишкекдаги «Бишкек Арена» стадионининг очилиш маросимида Қирғизистон президенти Садир Жапаров билан учрашди.

«Қирғизистон, меҳмондўстлигингиз учун раҳмат», — деб Махачев ижтимоий тармоқдаги саҳифасида учрашувдан олинган суратларни эълон қилди.

Айни пайтда Махачев UFCда кетма-кет 17 та ғалабадан иборат серияга эга. Унинг профессионал рекордида жами 29 та ғалаба ва 1 та мағлубият бор.

Ислом сўнгги жангини 16 август куни АҚШнинг Пенсильвания штатидаги Филадельфия шаҳрида бўлиб ўтган UFC 330 турнирида ўтказди. Унинг рақиби ирландиялик Иэн Гэрри бўлди. Жанг беш раунд тўлиқ давом этиб, Махачевнинг ҳакамларнинг якдил қарори билан ғалабаси билан якунланди.