Қозон ва Фарғона ўртасида тўғридан-тўғри авиақатнов йўлга қўйилади
Nordwind авиакомпанияси Қозондан Фарғонага тўғридан-тўғри авиақатновларни йўлга қўяди.
Парвозлар 25 ноябрдан бошланади ва Airbus A321 самолётларида ҳафтасига бир марта амалга оширилади. Сафар давомийлиги тахминан 3 соат 30 дақиқани ташкил этади.
Қозон шаҳрида транзит орқали Москва, Санкт-Петербург, Краснодар, Калининград, Иркутск ва Уфадан ҳам Фарғонага учиб келиш мумкин бўлади.