[ siyosat ] 25 May 2022
Хитой Ўзбекистондаги ижтимоий лойиҳаларга беғараз ёрдам ажратади
24 май куни Ўзбекистон инвестициялар ва ташқи савдо вазирининг биринчи ўринбосари Азиз Воитов ва Хитойнинг Тошкентдаги элчиси Цзян Янь икки мамлакат ҳукуматлари ўртасида техник-иқтисодий ҳамкорлик тўғрисидаги битимни имзолади. Бу ҳақда ИТСВ матбуот хизмати хабар берди.
Битим ХХР ҳукумати томонидан Ўзбекистонда ижтимоий аҳамиятга молик лойиҳаларни биргаликда амалга ошириш учун 250 млн юань (37,5 млн доллар) миқдорида беғараз ёрдам кўрсатишни назарда тутади.
Бугунги кунгача мамлакатлар ўртасидаги техник-иқтисодий ҳамкорлик доирасида соғлиқни сақлаш, таълим, қишлоқ ва сув хўжалиги, маданият, транспорт ва бошқа соҳаларда лойиҳалар амалга оширилган.