Жавоҳир Умматалиев бугун Манчестерда учинчи профессионал жангини ўтказади

Ўзбекистонлик боксчи Жавоҳир Умматалиев бугун Англиянинг Манчестер шаҳрида ўзининг учинчи профессионал жангини ўтказади.

Ҳамюртимиз Queensberry промоутерлик компанияси томонидан ташкил этилаётган бокс кечасида испаниялик Атакайте Сантанага қарши рингга кўтарилади.

Умматалиев шу кунгача профессионал фаолиятида иккита жанг ўтказиб, ҳар иккисида ғалаба қозонган.

Жавоҳирнинг бурчагида Ўзбекистон бокс терма жамоаси катта мураббийлари Раҳматжон Рўзиохунов ва Акмал Ҳасанов фаолият олиб боради.

Бокс оқшомининг марказий жангида Жошуа Буатси ва Вилли Хатчинсон ярим оғир вазн тоифасида WBC чемпионлик камари учун кураш олиб боради.

Мусобақа Тошкент вақти билан соат 21:00 да бошланади.