Ҳоким ёрдамчиси Олтинкўл тумани ҳокими бўлди

Қўрғонтепа тумани ҳокими ёрдамчиси Махамадмусо Обидов Олтинкўл тумани ҳокими этиб тайинланди. У олдинроқ Миллий банкнинг Андижон вилояти филиали раҳбари ҳам бўлган.

Ҳоким ёрдамчиси туман ҳокими этиб тайинланди. Бу ҳақда ЎзА хабар берди.

Хабарга кўра, Махамадмусо Обидов Андижон вилоятининг Олтинкўл тумани ҳокими этиб тайинланди.

Тайинловга қадар у Қўрғонтепа тумани «Чорвадор» маҳалла фуқаролар йиғинида ҳоким ёрдамчиси лавозимида фаолият юритган.

Ўзбекистон Миллий банки сайтидаги маълумотларга кўра, Махамадмусо Обидов банкнинг Андижон вилояти филиали раҳбари ҳам ҳисобланган.