Эмомали Раҳмон Ўзбекистонга келди

Тожикистон президенти Эмомали Раҳмон Ўзбекистонга расмий ташриф билан келди. Уни Тошкент халқаро аэропортида президент Шавкат Мирзиёев кутиб олди.

Ўзбекистон президентининг таклифига биноан Тожикистон президенти Эмомали Раҳмон 2 июнь куни расмий ташриф билан Ўзбекистонга келди, дея хабар берди президент матбуот хизмати.

Тошкент халқаро аэропортида уни Шавкат Мирзиёев кутиб олди. Шу ернинг ўзида етакчилар ўртасида қисқа суҳбат бўлиб ўтди.

Сўнг Тожикистон президенти «Янги Ўзбекистон» боғига ташриф буюриб, Мустақиллик монументи пойига гул қўйди.