Спорт курашлари бўйича U17 ЖЧ. Айтжан Халмаханов — дунё чемпиони!

Италиянинг Рим шаҳрида ўтказилаётган спорт курашлари бўйича ўсмирлар ўртасидаги жаҳон чемпионатида кеча икки нафар ватандошимиз совриндор бўлишди.

51 кг. вазнда Айтжан Халмаханов жаҳон чемпионига айланди. Маҳоратли юнон-рум курашчимиз чемпионлик учун кечган баҳсда эронлик рақибини мағлубиятга учратиб, олтин медални қўлга киритди!

45 кг. вазнда иштирок этган Шаҳзод Рўзиоҳунов эса кумуш медалга сазовор бўлди. У финалда украиналик полвонга имкониятни бой берди.

Спорт курашлари. Финал
— 45 кг: Шаҳзод Рўзиоҳунов – Евген Поковба (Украина) 0:9
— 51 кг: Айтжан Халмаханов – Муҳаммадризо Ғуломий (Эрон) 5:0

Манба: olympic.uz