Муҳаммад Алининг чемпионлик камари 6,18 миллион долларга сотилди

Афсонавий боксчи Муҳаммад Алининг шахсий буюмлари кимошди савдосида сотилди, дея хабар беради France Press.

Кимошди савдосида сотилган асосий буюм Али 1974 йилда Жорж Форманни нокаутга учратиб, қўлга киритган чемпионлик камари эди. Камар 6,18 миллион доллар эвазига сотилди. Кимошди савдосида NFL «Индианаполис» эгаси Жим Исрей ғолиб бўлди.

Шунингдек, Алининг бошқа буюмлари ҳам кимошди савдосига қўйилган, жумладан, Жо Фрэйзерга қарши «аср жанги»да кийган мантияси ҳам сотилгани хабар қилинган.

Манба: daryo.uz