Бокс. Адҳамжон Муҳиддинов ғалабани қўлдан чиқарди

Иорданиядаги бокс бўйича Осиё чемпионатида бугун эркаклар ўртасида ярим финал жанглари ўтказилмоқда. 60 кг. вазндаги вакилимиз Адҳамжон Муҳиддинов мўғулистонлик Баярхуу Буяндалаига қарши рингга кўтарилди.

Ўзбек боксчиси биринчи раундни ўз фойдасига ҳал қилди. Иккинчи бўлимда бошлаб рақиб фаолликни ошириб борди. 2-раундда ҳакамларнинг уч нафари устунликни Баярхууга беришган бўлса, сўнгги бўлимда эса барча ҳакамлар мўғул спортчисининг устунлигини эътироф этишди. Якуний ҳисоб — 1:4 (29:28, 28:29, 28:29, 28:29, 28:29).

Шу тариқа, Муҳиддинов Осиё чемпионатида бронза медалига сазовор бўлди.

Манба: stadion.uz