Аёлларни ҳимояловчи қонун жорий этилиши зарур — Саида Мирзиёева

Унинг фикрича, Жиноят кодексида оиладаги зўравонлик учун жиноий жазо аниқ акс этиши керак.

Президент Администрацияси Ижро этувчи аппаратининг Коммуникациялар ва ахборот сиёсати бўйича шўъба мудири Сенатда бўлиб ўтган оиладаги зўравонлик тўғрисидаги қонуннинг жамоатчилик муҳокамасидан сўнг оиладаги зўравонликка жазо кодексда акс этиши кераклигини айтди.

«Оиладаги зўравонлик учун жиноий жазо тайинламагунича, ушбу жиноятга давлатнинг муносабати Жиноят кодексида аниқ акс этмагунича, бир жойда қотиб тураверамиз. Бусиз бошқа ҳеч нима ёрдам беролмайди, юзаки чоралар ҳам, энг илғор гендер лойиҳалари ҳам, қуруқ гап билан тарбиялашга уринишлар ҳам.

Олдин аёллар олдидаги масъулиятни белгилаган ҳолда, уларни ҳимояловчи қонун жорий этилиши зарур. Қолгани кейин бўлади», — дейди Мирзиёева.