Бокс. Гулсевар Ғаниева ЖЧда олтин медални қўлга киритди

Испаниянинг Ла Нусия шаҳрида бокс бўйича ёшлар ўртасида жаҳон чемпионатида финал жанглари бошланди. Дастлаб рингга 48 кг. вазндаги спортчимиз Гулсевар Ғаниева ҳиндистонлик Бавна Шармага қарши рингга кўтарилди.

Биринчи бўлимда ҳакамларнинг 3 нафари устунликни ҳамюртимизга беришган бўлса, кейинги икки раундда барча ҳакамлар ғалабани Гулсеварга тақдим этишди.

Шу тариқа, Гулсевар Ғаниева ёшлар ўртасидаги жаҳон чемпионлигини қўлга киритди. Ҳамюртимиз ўтган йили ўтказилган МДҲ ўйинларида ҳам олтин медалга сазовор бўлганди.

Манба: stadion.uz