Шахмат. Абдусатторов «Tata Steel Chess India 2022» турнирида бугун икки ўйинда ютқазиб, бир ғалабага эришди

Ҳиндистоннинг Калькутта шаҳрида бугун шахмат бўйича «Tata Steel Chess India 2022» халқаро турнири бўлиб ўтмоқда. Унда 10 нафар шахматчи қаторида Нодирбек Абдусатторов ҳам дастлаб рапид йўналишида ўз омадини синаб кўрмоқда. Шахматчилар бугун 3та ўйинда иштирок этишди.

Ҳамюртимизга бугун мезбонларнинг 3 спортчисига рақиблик қилди. Абдусатторов Сантош Видит ва Гукеш Доммаражуга имкониятни бой бериб, Сетураманни мағлуб этди.

Нодирбек икки мағлубиятдан кейин жадвалда сўнгги поғонага тушиб кетганди, ғалаба уни 9-ўринга олиб чиқди. Ватандошимиз 6 ўйиндан кейин 2,5 очко жамғариб турибди.

Нихал Сарин 4,5 очко билан пешқадамга айланди. Кеча юз фоизли натижа кўрсатган Мамедяров эса бугун бор-йўғи 0,5 очко тўплади ва 3,5 очко билан 3-ўринга тушиб кетди. Эригаиси Аржун эса 3,5 очко билан 2-поғонани банд этган. Кеча сўнгги ўринни эгаллаб турган Хикару Накамура бугун ўз очколарини 3тага етказиб, 4-ўринга кўтарилиб олди.

Манба: stadion.uz