Тошкент ер усти метросининг вақтинчалик ёпилиши cабаб йўналишли автобус ҳаракати йўлга қўйилди

Эслатиб ўтамиз, ер усти метроси фаолияти техник ишлар сабаб бир кунга тўхтатилган.

Аввалроқ, жорий йилнинг 18 февраль санасида метро темир йўлларида бажарилиши лозим бўлган техник ишларнинг сўнгги босқичини амалга ошириш мақсадида метрополитеннинг ер усти ҳалқа йўли йўналишида поездлар ҳаракати бир кун давомида тўхтатилиши ҳақида хабар берган эдик.

Натижада, «Дўстлик — 2-7-бекат (Қўйлиқ бозори)» оралиғида метро вагонлари ҳаракати тўхтатилди.

Шу муносабат билан, «Қўйлиқ деҳқон бозори» сўнгги бекатидан ТҲАЙ, Оҳангарон шох кўчаси, Қорасув, Авиасозлар, Элбек кўчалари орқали Дўстлик метроси сўнгги бекатигача ҳаракатланувчи «Қўйлиқ деҳқон бозори — Дўстлик метроси» вақтинчалик автобус йўналиши ташкил этилди.

Мазкур ташкил этилган вақтинчалик автобус йўналишидаги ҳаракат жадваллари сони 6 та, йўналишнинг иш тартиби соат 5:00 дан 23:00 га қадар этиб белгиланган.