Дзюдо. Делегациямиз Тошкетдаги «катта дубулға»нинг илк кунида 3 та медаль қўлга киритишди

Тошкентда дзюдо бўйича «Катта дубулға» турнири бошланди. Анъанага мувофиқ биринчи кун доирасида енгил вазн тоифасидаги беллашувлар ўтказилди. Бугунги дастурда эркаклар — 60 кг ва — 66 кг, аёллар — 48 кг, — 52 кг ва — 57 кг вазн тоифаларида медаллар учун кураш олиб боришади. Унда ватандошларимиз 3та медални қўлга киритишди.

— 66 кг вазн тоифаси финалгача етиб борган Сардор Нуриллаев чемпионлик баҳсида тожикистонлик Нурали Эмомалига имкониятни бой берди ва кумуш медаль билан чекланди.

— 66 кг вазн тоифасида курашган Муҳриддин Тиловов бронза медали учун баҳсда франциялик Максим Гоберт устидан ғааба қозониб, совриндорлар қаторидан жой олди. Бу унинг мазкур таснифдаги мусобақада қўлга киритган учинчи медали.

— 60 кг вазн тоифасида курашган Достон Рўзиев бронза медалига сазовор бўлди. Ҳамюртимиз учинчи ўрин учун кечган баҳсда франциялик Ромарик Боуда устидан ғалаба қозонди.

Манба: stadion.uz