Эртага Тошкентнинг 4 та туманида газ таъминоти вақтинча тўхтатилади

Бунга юқори босимли газ қувурига электрон ҳисоблагичларни ўрнатиш ва таъмирлаш ишлари олиб борилиши сабаб бўлган.

Жорий йилнинг 10 март куни соат 10:00дан 17:00га қадар Яшнобод, Миробод, Бектемир ва Учтепа туманларининг айрим жойларида табиий газ таъминоти вақтинчалик тўхтатилади. Бу ҳақда «Ҳудудгаз Пойтахт» газ таъминоти филиали матбуот хизмати маълум қилди.

Сергели тумани Бешкент кўчасида жойлашган юқори босимли газ тақсимлаш пунктини таъмирлаш ишлари «Ҳудудгаз Пойтахт» ГТФнинг EOGQX томонидан амалга ошириш режалаштирилган.

Яшнобод туманида:

— 2-Толариқ ва Бунёдкор кўчаларида газ босими пасаяди;
— Фарғона ва ЎзБУМ кўчаларидаги 6 та кўп қаватли уйлардаги 160 та аҳоли хонадонларида;
— Фарғона йўли кўчасидаги 20 та уй хўжаликларида;
— ЎзБУМ кўчаси 4 та кўп қаватли уйлардаги жами 100 та аҳоли хонадонларида;
— «Ассалом соҳил» мавзесидаги 4 та кўп қаватли уйлардаги жами 620 та аҳоли хонадонларида;
— «Обод макон» МФЙдаги 21 та кўп қаватли уйлардаги 1 100 та аҳоли хонадонларида;
— «А.Яссавий»,« Бойсун», «Маърифат», ”Ширинобод” МФЙлари ҳудудидаги 3 500 та аҳоли хонадонларида;

Миробод тумани:

— «Файзиобод» ва «Оқ уй» МФЙларидаги жами 1 300 та уй хўжаликларида;
— Файзиобод ЙПХ биноси, Марҳабо меҳмонхонаси;
— Маиший хизмат кўрсатиш 2 та, Темир йўл омборхонаси, Божхона омборхонаси;
— «Қўйлиқ Ота» МФЙдаги жами 300 та уй хўжаликларида ҳамда 10 та улгуржи истеъмолчиларда;

Бектемир тумани:

— «Нурафшон» МФЙдаги жами 70 та уй хўжаликларида.

Учтепа тумани «Фозилтепа» МФЙдаги жами 220 та уй хўжаликларида ҳамда ҳудуддаги 18 та улгуржи истеъмолчиларида табиий газ таъминоти вақтинчалик тўхтатилади.