Конституцияга ўзгартиришлар киритиш бўйича референдум ўтказиладиган сана аниқ бўлди

Конституциявий қонун лойиҳаси депутатлар томонидан маъқулланди. Ҳеч ким қарши овоз бермади.

10 март куни Олий Мажлис Қонунчилик палатасида навбатдаги йиғилишда депутатлар конституциявий қонун лойиҳасини кўриб чиқдилар.

Депутатлар томонидан “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳаси қабул қилинди.

Овоз бериш жараёнида қатнашган 5 та партия депутатларининг 132 нафари лойиҳани маъқуллаб овоз беришди. 2 нафар депутат бетараф қолган бўлса, 3 киши овоз бермади.

Шунингдек, депутатлар умумхалқ референдумини ўтказиш санасини 2023 йил 30 апрель қилиб белгиладилар.