Таэквондо. Улуғбек Рашитов — жаҳон чемпионатининг бронза медали соҳиби!

Бокуда старт олган таэквондо WT бўйича жаҳон чемпионати Ўзбекистон терма жамоаси учун омадли бошланди. Илк куннинг ўзидаёқ терма жамоамиз бронза медалига сазовор бўлди.

— 68 кг вазн тоифасида баҳс олиб борган Улуғбек Рашитов шоҳсупанинг учинчи поғонасидан жой олди. Юртдошимиз ярим финалгача бўлган йўлда Малави, Марокаш, Тунис, Туркия ва Грециядан ташриф буюрган спортчилар мағлуб этди. У финал остонасида кореялик Хо-Жун Жинга 1:2 ҳисобида имкониятни бой бериб қўйди ва бронза медалини қўлга киритди.

Бу Рашитов учун фаолиятида жаҳон чемпионатларидаги илк медаль ҳисобланади.

Манба: stadion.uz