Андижонда Nexia-3 билан тўқнашган Damas пиёдани босиб кетди — видео

Вилоят ИИБ ЙҲХБ ЙТҲ тафсилотларини маълум қилди.

Андижон вилояти ИИБ ЙҲХБ Матбуот хизматининг хабарига кўра, 2023 йил 24 апрель куни соат 07:30 ларда Асака туманида яшовчи 1991 йилда туғилган Д.И. ўзининг Damas'ида туманнинг «Кужган» МФЙ ҳудудида чап томондан ҳаракатланиб келаётган Асака туманида яшовчи 2002 йилда туғилган Ж.Ш. бошқарувида бўлган Nexia — 3 билан тўқнашув содир қилган.

«Тўқнашув оқибатида, Damas йўл четида турган Асака туманида яшовчи 1976 йилда туғилган Қ.Э.га бориб урилган. Қ.Э.га ҳеч қандай тан жароҳати етмаган. Шунингдек, Damas'да бўлган Асака туманида яшовчи 1975 йилда туғилган М.С. ҳам тан жароҳати олмаган», - дейилади хабарда.

Тўқнашув сабабли Damas ва Nexia — 3 русумли автомашиналари моддий зарарланган. Мазкур ҳолат юзасидан ҳозирда қўшимча суриштирув ишлари олиб борилмоқда.