Тошкент шаҳрининг аҳолиси энг кўп бўлган туманлари айтилди

Тошкент шаҳар статистика бошқармаси пойтахт аҳолиси бўйича сўнгги маълумотларни эълон қилди.

Тошкент шаҳар Статистика бошқармасининг маълумотига кўра, жорий йил 1 апрель ҳолатига пойтахтда доимий аҳоли сони 2 978 200 нафарни ташкил этган бўлиб, шулардан 1 460 800 нафари эркаклар, 1 517 400 нафари аёллар.

Туманлар кесимида аҳолиси энг кўп туманлар учталигига Олмазор, Юнусобод ва Шайхонтоҳур туманлари кирди. Яккасарой ва Бектемир эса аҳолиси энг кам туманлар сифатида қайд этилди.

2023 йил 1 апрель ҳолатига аҳоли туманлар кесимида қуйидагича тақсимланди:

• Олмазор тумани — 397,1 минг
• Юнусобод тумани — 369,5 минг
• Шайхонтоҳур тумани — 361,8 минг
• Мирзо Улуғбек тумани — 324,9 минг
• Учтепа тумани — 295,3 минг
• Яшнобод тумани — 293,0 минг
• Чилонзор тумани — 272,9 минг
• Янгиҳаёт тумани — 164,4 минг
• Миробод тумани — 150,1 минг
• Сергели тумани — 163,8 минг
• Яккасарой тумани — 128,6 минг
• Бектемир тумани — 56,8 минг