Мисрдан Тошкентга учиши керак бўлган самолёт 10 соатдан ортиқ кечиктирилди
Миср аэропортида 200 дан ортиқ йўловчи Ўзбекистон пойтахтига жўнаб кетишни кутмоқда. Кечиктирилиш сабаби маълум қилинди.
Қайд этилишича, кечиктирилишга Шарм-аш-Шайхдаги ноқулай об-ҳаво шароити, шунингдек, экипаж иш вақти тугагани сабаб бўлган.
Шарм аш-Шайхдан Тошкентга учадиган самолёт Тошкент вақти билан соат 15:00 да учиши режалаштирилган. Тошкентга етиб келиш 19:30 га белгиланган.
Узоқ кечикиш муносабати билан СМ772 (Тошкент — Шарм аш-Шайх) рейсининг парвозлар жадвали ўзгартирилди. Тошкентдан жўнаб кетиш 2023 йил 17 май соат 20:30, Шарм-аш-Шайхга етиб келиш 2023 йил 18 май, Тошкент вақти билан соат 01:55 га белгиланган.
«Тошкент халқаро аэропортидан учаётган йўловчиларга рейснинг кечиктирилгани ҳақида хабар берилди ва уларга ўз уйларига қайтиш ёки терминалда парвозни кутиш таклиф қилинди. Парвоз жадвалини ўзгартириш тўғрисидаги батафсил маълумотлар авиаташувчидан олиниши мумкин», — дейилади хабарда.