Тошкентда тўй кортежида бир нечта автомашина хавфли манёвр уюштирди

Қоидабузар ҳайдовчиларга нисбатан тегишли тартибда чора кўрилди ва автомашиналар жарима майдончасига жойлаштирилди.

Куни кеча Тошкент шаҳридаги ер ости йўлининг бирида тўй кортежида бир нечта автомобиллар хавфли манёвр қилгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ ЙҲХБ Ахборот хизмати изоҳ берди.

Мазкур видео Тошкент шаҳар ИИББ ЙҲХБ ходимлари томонидан ўрганилиб, Lacetti ҳайдовчиси 2001 йилда туғилган Ж.Р. ҳамда 4 та Mersedec-Benz ҳайдовчилари 2000 йилда туғилган Ж.Й., 1988 йилда туғилган Ш.Х., 1996 йилда туғилган Д.Қ. ва 1984 йилда туғилган А.Х.ларга нисбатан МжТКнинг тегишли моддалари билан маъмурий баённомалар расмийлаштирилиб, автомашиналар жарима майдончасига жойлаштирилди. Шу билан бирга, ушбу ҳайдовчилар билан профилактик суҳбат олиб борилди.