Бокс. Фьюри ва Нганну жангидан кейинги матбуот анжумани бекор қилинди

Британиялик Тайсон Фьюри ва француз-камерунлик жангчи Фрэнсис Нганну ўртасидаги оғир вазн тоифасидаги жангдан кейинги матбуот анжумани бекор қилинди, деб хабар бермоқда журналист Майк Бон ижтимоий тармоқдаги саҳифасида.

Бундай қарорни Top Rank промоутерлик компанияси қабул қилган.

28-октябрь куни Ар-Риёдда (Саудия Арабистони) бокс оқшомининг асосий жангида Фьюри Нганнуни баллар ҳисобида (96:93, 95:94, 94:95) мағлуб этди.

35 ёшли британиялик ўзининг 34-профессионал жангида ғалаба қозонди. Бу жангда Фьюрининг WBC чемпионлик камари йўқ эди.