Ар-Риёдда бокс оқшоми. Тайсон Фьюри 10 раунд давом этган жангда Френсис Нганну устидан ғалаба қозонди (видеошарҳ)

Саудия Арабистонининг Ар-Риёд шаҳрида 28 октябрь куни Queensberry компанияси томонидан бокс кечаси ташкил этилди.

Кечанинг асосий жанги Тайсон Фьюри ва проф боксда дебютант бўлган собиқ MMA жангчиси Френсис Нганну ўртасида кечди.

10 раундга мўлжалланган бокс Фьюрининг ҳакамлар қарорига кўра ғалабаси билан якунланди (95-94, 96-93, 95-94). Тайсонга WBC’нинг махсус камари топширилди.

Қайд этиб ўтиш жоиз, учинчи раундда Френсис Тайсонни нокдаунга учратганди.

Нганну профессионал боксдаги илк жангини ўтказди. Фьюри эса 34-жангида иштирок этди. Унинг рекорди 33-0-1.

Манба: daryo.uz