Тайсон Фьюрининг Олександр Усикка қарши жанги 2024 йил февраль ойида бўлиб ўтади

Бокс бўйича супер оғир вазн тоифасида WBA Супер, IBF, WBO ва IBO камарлари соҳиби Олександр Усик ва WBC чемпиони Тайсон Фьюри ўртасида мутлақ Жаҳон чемпионлиги учун жанг 2024 йилда бўлиб ўтади.

Фьюри ва Усик ўртасидаги жанг 2024 йил февраль ойига режалаштирилмоқда, дея хабар берди ESPN нашри.

Дастлаб, жанг 23 декабрда бўлиб ўтиши айтилганди. Бироқ, Тайсоннинг вакиллари жанг санаси ўзгаришини маълум қилганди.

28 октябрь куни Тайсон Фьюри ва Френсис Нганну Ар-Риёдда рингга кўтарилди. Якунда Фьюри ҳакамларнинг қарорига кўра (94-95, 96-93, 95-94) ғалаба қозонди.

Олександр Усик сўнгги жангини август ойида Даниэль Дюбуага қарши ўтказиб, 9-раундда техник нокаут эвазига ғалаба қозонганди.

Манба: daryo.uz