Пойтахтнинг айрим туманларида авария ҳолатида электр энергиясидан узилиш содир бўлди

Ҳозирда махсус тезкор бригада томонидан подстанциядаги носозликни бартараф этиш чоралари кўрилмоқда.

«Қўқон» подстанциясида 35 кВли юқори кучланишли кабель тармоғининг шикастланиши натижасида фавқулодда авария ҳолатида электр энергиясидан узилиш содир бўлди. Бу ҳақда Ҳудудий электр тармоқлари АЖ Ахборот хизмати хабар берди.

Бунинг натижасида, Миробод ва Яккасарой туманлари ҳудудидаги истеъмолчиларнинг бир қисмида электр таъминотида узилиш кузатилмоқда.

Айни вақтда, «Ҳудудий электр тармоқлари» АЖ Тошкент шаҳар филиалининг юқори кучланишли аварияли ҳолстларини бартараф этиш махсус тезкор бригада томонидан подстанциядаги носозликни бартараф этиш чоралари кўрилмоқда.