“Ҳаж-2023” мавсумининг дастлабки зиёратчилари Тошкентга қайтишди — фото

4 июнда Ҳаж зиёрати учун Саудия Арабистонига жўнаб кетган ўзбекистонлик ҳожилар ватанга қайтишди.

Жорий йилнинг 4 июнида Ҳаж зиёрати учун Саудия Арабистонига жўнаб кетган зиёратчилар Ўзбекистонга қайтиб келишди. Бу ҳақда Ўзбекистон Мусулмонлари идораси Матбуот хизмати хабар берди.

Кеча, 4 июль куни Ҳаж зиёратига борган бир гуруҳ ўзбекистонлик ҳожилар Тошкентга қайтишди.

Жидда-Тошкент йўналиши бўйича Тошкент халқаро аэропортига етиб келган зиёратчиларнинг барчалари соғ-саломат, кайфиятлари аъло даражада.

Ҳожиларимиз Макка ва Мадина шаҳарларида бўлиб, ҳаж амалларини мукаммал адо этишди. Ибодатлар чоғида ҳожилар бугунги саодатли кунлар учун шукроналар айтиб, Яратгандан юртимизга қут-барака, халқимизга бахт-саодат, эртанги умидимиз бўлган фарзандларимизга нурли келажак сўраб дуолар қилдилар.

Эслатиб ўтамиз, ҳожиларимизнинг ватанга қайтишлари шу йил 4-22 июль кунлари давом этади.