Сирдарё вилоятида педофил-пенсионер беш ёшли қизалоққа бузуқлик қилган

Маст пенсионер алдов билан беш ёшли қизалоқни уйига олиб кирган, уни ечинтирган, суратга олган, видеога туширган ва ўзини-ўзи қондиришни бошлаган. Яхшиямки, қизалоқ педофилнинг чангалидан қочиб кетган ва онасини ёрдамга чақирган. Бу ҳақда зўравонликка қарши Nemolchi.Uz. лойиҳаси маълумотларига асосланиб, мухбиримиз хабар бермоқда.

2023 йил 13 апрель куни пенсионернинг туғилган куни бўлган ва у эрта тонгданоқ ичишни бошлаган. У ўзи яшаб турган уйнинг бир қисмини оилага: эр, хотин ва уларнинг беш ёшли қизига ижарага берган.

Тушликдан сўнг қизалоқ онасидан рухсат сўраб, уйнинг ҳовлисига сайр учун чиққан. Маст эркак қўшнининг қизини кўриб қолиб, мультфильм томоша қилиш баҳонасига уйига олиб кирган. Ҳеч нарсадан шубҳа қилмаган қизча қўшнининг таклифига рози бўлган, у эса қизалоқни хонасига олиб кирган ва қисман ечинтирган.

Сўнгра эркак ўзини-ўзи қондира бошлаган. Қолаверса, у жараённи видеога олган ва қизалоқни расмга туширган. Қўрқиб кетган қиз қўйиб юборишни илтимос қилган, қочмоқчи бўлган, бироқ зўравон уни маҳкам белидан ушлаб турган. Оқибатда қизнинг танасида излар қолган ва бу экспертиза томонидан тасдиқланган.

Қизнинг овозига онаси югуриб чиққан. Онасининг чақиришини эшитган эркак қизни қўйиб юборган. Хонадан чиқишда қизалоқ телефонни ҳам олган ва онасининг ёнига борган. Қизалоқ бўлган воқеани онасига айтиб берган, у эса дарҳол ҳуқуқни муҳофаза қилиш идорасига мурожаат қилган. Пенсионер ўзини оқлашга уринган, ички ишларга мурожаат қилмасликни илтимос қилган, бироқ қизнинг онаси барибир ариза берган. 2023 йилнинг 14 апрель куни эркак ҳисбга олинган.

2023 йил июль ойида жиноят ишини ёпиқ суд мажлисида кўриб чиқиш якунлари бўйича пенсия ёшини ҳисобга олган ҳолда, эркак Жиноят кодексининг 119-моддаси 4-қисми (14 ёшга тўлмаган шахсга нисбатан содир этилган ғайритабиий шаклдаги жинсий эҳтиёжни мажбуран қондириш)да назарда тутилган жиноятни содир этишда айбдор деб топилган, у умумий тартибдаги колонияда ўташ шарти билан 10 йилга озодликдан маҳрум қилинган.

Эслатиб ўтамизки, Жиноят кодексининг 119-моддаси 4-қисмининг санкциясида 15 йилдан 20 йилгача озодликдан маҳрум қилиш жазоси назарда тутилган. Бироқ, Жиноят кодексининг нормалари 60 ёшдан ошган шахсларга жазо муддатини қисқартиришга имкон беради. Бундан ташқари, суд томонидан жазо тайинлашда айбдорнинг пушаймонлиги, унинг ёши ва оилавий аҳволи ҳисобга олинган, шунинг учун педофилга 10 йил озодликдан маҳрум қилиш шаклида юмшоқроқ жазо тайинланган.

Ҳатто болаларнинг жинсий эркинлигига қарши жиноятларда ҳам пенсия ёши жазонинг пасайишига сабаб бўлаётгани биринчи марта эмас. Спиртли ичимликни истеъмол қилгани ва жабрланувчининг ёшлигига қарамай, эркак белгиланганидан камроқ жазосни олишга муваффақ бўлди. Нима учун зўравоннинг ёши барча оғирлаштирувчи ҳолатлардан устун туради?