Бокс. Исроил Мадримов Жошуа билан бир оқшомда камар учун жанг қилади

Профессионал боксчимиз Исроил Мадримов навбатдаги жангини қачон ва кимга қарши ўтказиши расман аниқ бўлди.

Чарм қўлқоп устамиз 8 март куни Саудия Арабистонининг Ар Риёд шаҳрида кечадиган бокс оқшомида россиялик Магомед Курбановга қарши рингга кўтарилади. Жангнинг вакант бўлиб турган WBA Regular камари учун ўтказилиши кутилмоқда.

Эслатиб ўтамиз, 8 март кунги оқшомнинг марказий жангида супероғир вазн тоифасида собиқ жаҳон чемпиони Энтони Жошуа собиқ UFC чемпиони Фрэнсис Нганнуга қарши баҳс олиб боради.

Манба: Ўзбекистон профессионал бокс федерацияси матбуот хизмати