Ҳасанбой Дўстматовнинг укаси дебют жангида ғалаба қозонди

Бугун, 2 март куни Жанубий Кореянинг Кёнгидо провинцияси Пучон шаҳрида профессионал бокс кечаси бўлиб ўтмоқда.

Ушбу оқшом доирасида ўзбекистонлик 8 нафар профессионал боксчи рингга чиқади.

Ҳасанбой Дўсматовнинг укаси Фарёзбек Дўсматов профессионал боксдаги дебют жангини ўтказди. У филиппинлик 28 ёшли Жовер Амистосони биринчи раунддаёқ нокаутга учратди.

Ўзбекистон чемпионати ва бошқа мусобақалар доирасида 8 та жанг ўтказган Фарёзбек шу кунгача ҳаваскор боксда 5 та ғалаба, 3 та мағлубият қайд этган.

У 2022 йилги Ўзбекистон чемпионати кумуш медали соҳиби ҳисобланади.

????????Faryozbek Dusmatov, little brother of Hasanboy, made pro debut against Jover Amistoso ???????? in Pocheon, Korea and won by first round knockout. pic.twitter.com/2wWxIvk5cG
— Jalol Akhmedov???????? (@JalolAkhmedov) March 2, 2024
Манба: daryo.uz