Икки қитъани бирлаштирган Истанбул нафақат ўзининг гавжум соҳиллари, мазали таомлари, муҳташам кўприклари, меҳмонсевар инсонлари, минглаб масжидлари, бепоён манзарали денгизларию осмонўпар бинолари билан ном қозонган, балки ушбу хашаматли шаҳар ўзининг бой тарихга эга музейлари билан ҳам машҳур туристик шаҳар ҳисобланади. Куз мавсуми бўлишига қарамай, Туркия айни дамда иссиқ кунларни бошдан кечирмоқда ва бу мамлакатда саёҳат қилиш учун энг қулай вақтлардан саналади.
Шу йилнинг 28 октябрь куни Олий Мажлис Сенати Раиси Танзила Нарбаева Хитой Халқ Республикаси Маданият ва туризм вазири Ху Хепин бошчилигидаги делегацияни қабул қилди. Мулоқот давомида савдо-иқтисодий ҳамкорликни, парламентлараро мулоқотлар ва маданий-гуманитар алмашинувларни янада кенгайтириш масалалари муҳокама қилинди.
Айтиш керакки, сўнгги йилларда мамлакатларимиз президентларининг ташаббуси билан барча соҳаларда мисли кўрилмаган натижаларга эришилмоқда. Шуни ҳам алоҳида таъкидлаш жоизки, ўтган йилнинг сентябрь ойида Самарқанд шаҳрида бўлиб ўтган ШҲТ саммити доирасида “Ўзбекистон Республикаси Маданият вазирлиги билан Хитой Халқ Республикаси Маданият ва туризм вазирлиги ўртасида 2022-2025 йилларга мўлжалланган маданий Алмашинув дастури имзоланган эди.
Мамлакатмизда тўсиқсиз туризм инфратузилмасини ривожлантириш ва қулай шарт-шароит яратиш мақсадида Туризм қўмитаси томонидан тизимли ишлар амалга оширилмоқда. Бунда асосий эътибор саёҳатни ногиронлиги бўлган шахслар учун қулайлаштириш, пандус, лифт ва овозли маълумотномаларни ўрнатиш, имтиёз ва чегирмалар тизимини яратишга қаратилган бўлиб, бугунги кунда жаҳон тажрибаси ўрганилмоқда.
Татаристон раиси Рустам Миннихонов «Ялла» гуруҳининг бадиий раҳбари, ўзбек эстрада хонандаси Фаррух Зокировга Татаристон Республикаси халқ артисти фахрий унвонининг кўкрак нишонини топширди. Учрашув Татаристон Республикаси ҳукумат уйида бўлиб ўтган.
Маданий мерос агентлиги Фанлар академияси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда археология соҳасидаги эксперт ва мутахассисларни жалб қилган ҳолда, археология ёдгорликларида илмий-тадқиқот ишларини олиб бориш, консервациялаш ва уларда очиқ осмон остида музей ташкил этиш ҳамда уни туризм объектига айлантириш чораларини кўриш белгилаб берилган. 261-сонли қарордан келиб чиққан ҳолда, Тошкент шаҳар “Чилонзор оқтепа”, Сурхандарё вилояти “Далварзинтепа”, Андижон вилояти “Мингтепа”, Самарқанд вилояти “Шерозқалъа”, Қорақалпоғистон Республикаси “Қўйқирилган қалъа” археология объектларида минтақавий реставрация марказлари томонидан бир қатор ишлар амалга оширилди.
Жорий йилнинг 23-26 октябр кунлари Ўзбекистондаги Ҳайдар Алиев номидаги Озарбайжон Маданият Маркази лойиҳаси ва ташкилотчилигида Ўзбекистоннинг Тошкент ва Хоразм вилоятларида ўтказилган “Озарбайжон маданияти ва ше’рияти ҳафталиги” доирасида Хоразм вилояти, Урганч шаҳридаги Урганч Давлат Университетида Озарбайжоннинг таниқли адабиёт ва жамоат арбоби Юсиф Вазир Чаманзаминли номидаги Озарбайжон маданияти ва адабиёти маркази очилди. Меҳмонлар дастлаб Урганч Давлат Университети билан танишди.
Жорий йилнинг 16 октябрь куни БМТ Бутунжаҳон туризм ташкилоти (UNWTO) Бош Ассамблеясининг юбилей 25-сессияси доирасида Самарқанд шаҳрига «Жаҳон маданий туризм пойтахти» мақомини бериш тўғрисида декларация қабул қилинди. Ўзбекистон Республикаси Президенти Шавкат Мирзиёев, БМТ Бутунжаҳон туризм ташкилоти Бош котиби Зураб Пололикашвили ҳамда Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов иштирокида муҳим ҳужжат имзоланди.
Ўзбекистондаги Ҳайдар Алиев номидаги Озарбайжон Маданият Маркази лойиҳаси ва ташкилотчилигида Ўзбекистоннинг Тошкент ва Хоразм вилоятларида ўтказилган “Озарбайжон маданияти ва шеърият ҳафталиги” доирасида Тошкентдаги Ўзбекистон Давлат Санъат ва Маданият Институтида Озарбайжон Маданият Маркази томонидан “Шуша – Турк дунёсининг маданият пойтахти” номли беш тилдаги энсиклопедик нашр лойиҳаси тақдимоти ва озарбайжонлик сан’аткорларнинг иштирокида тадбир ўтказилди. Тадбир иштирокчилари дастлаб Ўзбекистондаги Ҳайдар Алиев номидаги Озарбайжон Маданият Маркази томонидан мазкур университетда ташкил этилган ОзарбайжонМаданияти ва Санъати марказига ташриф буюришди.
Ҳар бир инсоннинг кўнглига мос таклифлар тақдим этоладиган ноёб йўналишлардан бири бўлган Туркия саёҳатчиларга гўзал табиат, ҳайратланарли соҳиллар, қадим шаҳарларнинг очиқ осмон остидаги музейлари, кенг доирадаги маҳаллий таомлар ва турли тадбирларни таклиф этади. Бундан ташқари, дунёга машҳур гольф майдони архитекторлари томонидан ишлаб чиқилган юмшоқ иқлими ва яшилликлари билан Туркия, гольф спорти учун дунёдаги энг кўп танланган йўналишлардан биридир.
Муғла ва унинг туристик туманларида очилган кўплаб спорт ташкилотлари, маданий тадбирлар ва қадимий шаҳарлар билан январь-сентябрь ойлари оралиғида шаҳарга келган хорижлик сайёҳлар сони 2 миллион 977 минг 427 нафарга етди. Муғла Ҳар йили кўплаб хорижлик сайёҳ ташриф буюрадиган Муғла, турли мамлакатлардан келган сайёҳлар билан бир қаторда маҳаллий зиёратчилар томонидан ҳам қадрланади.
Туризм маркази бўлмиш Анталиянинг чуқур илдиз отган кўҳна ва бой тарихини очиб берувчи Калеичи, қадимий бинолари, юнон, салжуқий ва усмонли меъморчилиги изларини акс эттирган уйлари, манзарали дарахтларга тўла тор кўчалари билан йилнинг ҳар фаслини очиқ осмон остидаги музейга айлантиради. Анталия Ҳар йили миллионлаб сайёҳларни қарши оладиган Анталия ўзининг табиий ва тарихий гўзалликлари билан бирга денгиз, қуёш ва қум учлиги билан сайёҳларни жалб қилади.
Маданият вазиринг биринчи ўринбосари Баҳодир Аҳмедовнинг ТУРКСОЙ халқаро ташкилотининг 30 йиллик юбилейи доирасида бўлиб ўтган навбатдаги учрашуви Туркия Маданият ва туризм вазирининг ўринбосари Сердар Чам билан бўлди. Мулоқотда томонлар дастлаб, айни пайтдаги маданий ҳамкорлик муносабатларини муҳокама қилдилар.
2023 йилги EuroVelo & Велосипед туризми конференцияси 34 мамлакатдан 270 га яқин мутахассислар иштирокида, 2023 йил 11-13 октябрь кунлари Туркиянинг катта аҳамиятга эга шаҳарларидан бири, шунингдек, EuroVelo 8 – Ўрта Ер денгизи йўналиши учун Туркиядан танланган биринчи шаҳар – Измирда бўлиб ўтди. Конференция бутун Европа бўйлаб велосипед туризмини ривожлантириш учун барча соҳа мутахассисларини бирлаштирди.
Самарқандда ўтаётган Бутунжаҳон туризм ташкилоти (ЮНВТО) Бош Ассамблеяси 25-сессияси доирасида Ўзбекистон Республикаси Президенти Шавкат Мирзиёев ҳузурида Самарқандга “Маданий туризмнинг халқаро пойтахти” мақомини бериш тўғрисида декларация ҳамда Халқаро туризм академиясини ташкил этиш тўғрисида битим қабул қилинди. Ҳужжатлар Ўзбекистон Республикаси экология, атроф-муҳитни муҳофаза ва иқлим ўзгариши вазири А.Абдуҳакимов ва ЮНВТО бош котиби З.Пололикашвили томонидан имзоланди.
Озарбайжоннинг Шуша шаҳрида бўлиб ўтаётган 40-ТУРКСОЙ доимий Кенгашининг йиғилиши доирасидаги навбатдаги муҳокамада қатор масалалар кўриб чиқилди. Дастлаб, ТУРКСОЙ халқаро ташкилотининг 2023 йил давомида амалга оширилган ишлари юзасидан ҳисоботи тингланди.
Тақвимларимиз саҳифаларини октябрь ойига варақласак ҳам, Туркиянинг Ўрта Ер денгизи ва Эгей денгизи (Турк Ривиераси ва Турк Эгей) соҳилларида дам олувчилар ҳали ҳам иссиқ қуёш нуридан баҳраманд бўлиб, мовий сувларда чўмилиб, мазали турк ошхонасидан тановул қилиб келишмоқда. Йилнинг 300 куни қуёшли бўлган Турк Ривиераси ва мўътадил иқлими денгизни иситишда давом этаётган Турк Эгей, нафақат гўзал соҳиллари, балки тарихий антик шаҳарлари, шунингдек, табиий бойликлар ва ноёб гастрономия билан ҳам янада сокин таътилни истайдиганлар учун мукаммал кузги манзилларни таклиф этади.
27 ва 28 октябр куни Челябинск филармонияси солистлари Россияда хизмат корсатган артист, симфоник оркестрнинг бадиий раҳбари ва бош дирижёри Адик Абдураҳмонов билан биргаликда Туркистон сан‟ат саройи саҳнасида чинакам дурдоналардан иборат мусиқий дастурни тақдим этади. 27 октябр, 19:00 “Рус классикаси дурдоналари” консерти.
Куни кеча Озарбайжонда ёпилиш маросими бўлиб ўтган Туркиянинг «Коркут ота» кинофестивалида Маданият вазирлиги ҳузуридаги Кинематография агентлиги директори Фирдавс Абдухаликов туркий дунё кинематографияси ривожига қўшган ҳиссаси учун махсус мукофот билан тақдирланди. Бундан ташқари, режиссорлар Музаффархон Эркинов («Абдулла Орипов» бадиий фильм) ва Шуҳрат Маҳмудов («Менинг доирам» ҳужжатли филм) «Коркут ота» кинофестивалининг «Энг яхши сценарий» ҳамда «Энг яхши ҳужжатли филм» номинациялари бўйича тақдирланди.
Дунёнинг энг қадимги неолит даври манзилгоҳларидан бири бўлган Гўбеклитепа ва Караҳантепада янги топилмалар пайдо бўлди. Тарихдан олдинги даврга ойдинлик киритган ва глобал миқёсда муҳим кашфиётларга сабаб бўлган Тош тепалик лойиҳаси доирасида тўққизта археологик жойда олиб борилган сўнгги қазишмаларда инсон ва ҳайвон ҳайкаллари топилди.
Кузнинг салқин кунлари шаҳарни ўрганиш ва янгича ҳаяжонни ҳис этишнинг айни вақти бўлиб, мақсадингиз Истанбулга саёҳат бўлса, қитъалар учрашадиган ушбу шаҳарда унутилмас тажрибаларга тайёр туринг. Октябрь ойи шаҳарда қуёш нури ва салқин шабадалар ҳукм сурадиган куз фаслининг келганидан дарак беради.
Туркияда азалдан қарағай ва кедр ўрмонлари, майин қумли соҳиллар, тиниқ феруза тусли денгизлар ва жозибакор тарихий-маданий мерослар мавжуд. Шунга қарамай, “Миллий Барқарор Туризм Дастури”га қўшилиши ортидан у барқарор дам олиш учун дунёдаги энг асосий йўналишлардан бирига айланди.
Норвегиялик ёзувчи, шоир ва драматург Юн Фоссе 2023 йилги адабиёт йўналишида Нобель мукофотини қўлга киритди. Бу ҳақда Швеция Қироллик Фанлар академияси Нобель қўмитаси матбуот хизмати хабар берди.
Қатар амири томонидан таъсис этилган коррупцияга қарши курашда эришилган ютуқлар учун глобал мукофотини топшириш маросими шу йилнинг охирида Тошкентда ўтказилади. Бу ҳақда президент матбуот котиби Шерзод Асадов маълум қилди.
Мамлакатимиз элчихонаси кўмагида Эрон маданият вазирининг ўринбосари, Кино ташкилоти раҳбари Муҳаммад Хазаий бошчилигидаги ушбу давлат делегациянинг “Ипак йўли дурдонаси” XV Тошкент халқаро кинофестивалида иштироки ташкил этилди. Эрон делегациясини Ўзбекистон маданият вазири Озодбек Назарбеков қабул қилди.
Ўзбекистонда уюштирилган «Ипак йўли дурдонаси» ХV Тошкент халқаро кинофестивали доирасида, тадбирнинг махсус меҳмони – Туркия Республикасига асос солинишининг 100 — йиллигига бағишланган «Маданият кечаси» ва «Турк киноси кунлари»нинг очилиш маросими бўлиб ўтди. Унда, Халқаро Турк маданияти ташкилоти (ТУРКСОЙ) Бош котиби Султон Раев, Ўзбекистон Маданият вазири Озодбек Назарбеков, Маданият ва туризм вазири ўринбосари Батуҳан Мумжу, Туркиянинг Тошкентдаги элчиси Олган Бекар ҳамда Туркиядан келган санъаткор ва меҳмонлар иштирок этди.
Олтин шох кўрфази (турк тилида Ҳалич), унинг атрофидаги маҳалла ва тарихий ярим оролнинг бир қисми, Истанбулнинг энг гўзал манзилларидан биридир. Босфор бўғозига кириш нуқтасини ташкил этувчи “Олтин шох” ўз номини шох шаклидаги йўлдан олган бўлиб, сувлари, айниқса, қуёш ботаётганда олтин тусга кирганлиги учун бу ном берилгани айтилади.
Жорий йилнинг 28 сентябрь куни “Археологик ҳамкорлик – Бир макон, бир йўл” кўргазмасининг очилиши доирасида Хитой Халқ Республикаси маданият ва туризм вазири Ху Хепин билан учрашув бўлиб ўтди. Пекиндаги “Бир макон, бир йўл” III халқаро ҳамкорлик анжумани арафасида ташкил этилган кўргазма Ўзбекистон ва Хитой ўртасидаги ҳар томонлама мустаҳкамланиб бораётган стратегик шериклик муносабатларининг яна бир намунаси бўлди.
Мерсиннинг Эрдемли туманида Рим ва Византия даври изларини ўзида акс эттирган Elaiussa Sebaste антик шаҳридаги некрополни туризм ҳудудига айлантириш учун лойиҳани режалаштириш бошланди. Мазкур лойиҳа ва археологик тадқиқотлар, Маданият ва Туризм Вазирлиги ташаббуси билан Кастамону университети ижтимоий-гуманитар фанлар факультетининг Археология бўлими факультет аъзоси Асена Кизиларсланоғлу бошчилигидаги 15 кишилик гуруҳ томонидан амалга оширилади.
25 сентябр куни Қатар давлатида ўз ишини бошлаган ХХII Ислом дунёси маданият вазирларининг “Ислом оламида маданий тадбирларнинг янгиланиши томон” мавзусидаги 12-конференсиясида Ўзбекистон ҳам иштирок этди. Бу ҳақда Маданият вазири Озодбек Назарбеков ўзининг телеграм каналида ёзди.