Теннисчиларимиз халқаро турнирда навбатдаги ғалабаларни қўлга киритишди

Пойтахтимиздаги «Saxovat Sport Servis» спорт мажмуасида Халқаро теннис федерациясининг мусобақалар тақвимидан жой олган М15 таснифига кирувчи турнир қизғин баҳсларга бой ўтмоқда.

Мусобақанинг яккалик баҳслари иккинчи даврасида Сергей Фомин нейтрал теннисчи Дмитрий Долженковга бор йўғи битта геймни бой бериб, чорак финал йўлланмасини қўлга киритди. У энди нейтлар теннисчилар Антон Чехов ва Александр Ушаков учрашуви ғолибига қарши қарши кортга чиқади.

Шунингдек, С.Фомин турнирнинг жуфтлик беллашувларида украиналик шериги Владислав Орлов билан илк босқичдан муваффақиятли ўтди. Шунингдек, Денис Истомин ва Дамир Абдусамадов каби теннисчиларимиз ҳам биринчи давра баҳсларида ғолиб бўлди. Шу тариқа Денис ва Дамир дуэти чорак финалда Сергей ва Владислав тандемига қарши ўйин ўтказадиган бўлди.