Теннис маликалари Тошкентда жам бўлди
Мусобақанинг илк кунида жуфтлик беллашувлари ўтказилди. Унда ҳамюртимиз Дарья Шубина нейтрал мақомдаги теннисчи Варвара Паншина билан тандемда япониялик Канако Осафуна ва Паму Уедани 6:1, 6:2 ҳисобида енгди ва чорак финалда Жанубий Корея вакиллари Бо Юнг Жеонг ва Южин Ан билан куч синашадагин бўлди.
Шунингдек, ушбу босқичда Насиба Эсполова ҳамда Диана Яковлева дуэти Нигина Алимова ва Злата Чиннова билан рақобатлашди. Мазкур ўзбек дербисида Насиба ва Диана 6:3, 4:6, 10:3 ҳисобида ғалаба қозонди. Шу тариқа чорак финалга йўл олган Н.Эсполова/Д.Яковлева ярим финал йўлланмаси учун нейтрал теннисчилар Ксения Ласкутова ва Устиния Лекомцева жуфтлиги билан куч синашади.
Мусобақанинг яккалик баҳсларида эса қуйидаги теннисчиларимиз иштирок этади:
Нигина Абдураимова – Дарья Зелинская (нейтрал теннисчи)
Сабрина Олимжонова – Дарья Хомуцианская (нейтрал теннисчи)
Дарья Шубина – Аружан Сагандикова (Қозоғистон)
Влада Екшибарова – Уладзислава Зверава (нейтрал теннисчи)
Злата Чиннова – Ваишнави Адкар (Ҳиндистон)
Диана Яковлева – Южин Ан (Жанубий Корея)
Мафтунабону Қаҳрамонова – Ксения Ласкутова (нейтрал теннисчи).
Манба: uza.uz