Тошкент ва Самарқанд вилоятлари ИИБларига янги раҳбарлар тайинланди

Полковник Абдувосит Абдулхаевич Абдуразаков Тошкент вилояти ИИББ бошлиғи лавозимига тайинланди, дея хабар бермоқда бошқарма матбуот хизмати.

2022 йилнинг мартидан тайинловга қадар Абдувосит Абдуразаков Тошкент шаҳри ИИББ бошлиғи ўринбосари, Тергов бошқармаси бошлиғи лавозимида фаолият юритган. Ундан аввал у Учтепа тумани ички ишлар органлари фаолиятини мувофиқлаштириш бошқармаси бошлиғи бўлиб ишлаган.

Абдуразаков мазкур лавозимда 2018 йилнинг октябридан буён ишлаб келаётган генерал-майор Тоҳир Тўлқинович Арипов ўрнини эгаллади. Тоҳир Арипов Самарқанд вилояти ИИББ бошлиғи этиб тайинланди.

Тоҳир Арипов фаолияти давомида ички ишлар вазирининг ўринбосари, ИИВ Патрул-пост хизмати ва жамоат тартибини сақлаш бош бошқармаси бошлиғи бўлиб ишлаган.