Кураш: полвонларимиз қитъада тенгсиз

Жанубий Кореянинг Квесан шаҳрида миллий спортимиз кураш бўйича катталар, ёшлар ва ўсмирлар ўртасида ташкил этилган қитъа чемпионатининг якуний натижаларига кўра, 53 та медални қўлга киритган мамлакатимиз вакиллари 1-ўринни эгаллади.

Тўрт кунлик шиддатли беллашувлар кураш спорт тури сифатида қитъада янада оммалашиб бораётганини, турли мамлакатлардан ҳар томонлама профессионал курашчилар етишиб келаётганини кўрсатди.

Муросасиз баҳслар сарҳисобига биноан 45 та олтин, 5 кумуш ва 3 та бронза медалига сазовор бўлган юртимиз полвонлари етакчиликка эришган бўлса, 2-ўриндан жой олган вьетнамлик курашчилар 3 та олтин, 2 та кумуш ва 3 бронза медалига эга чиқди. Ҳиндистонлик курашчилар 2 та олтин, 12 та кумуш, 27 та бронза, жами 41 та совринли ўрин билан кучли учликка якун ясади.

Тожикистон, Эрон, Жанубий Корея, Малайзия, Қирғизистон каби 14 мамлакат вакиллари ҳам Осиё чемпионати совриндорлари қаторидан ўрин олди.