Тошкентда енгил атлетика бўйича халқаро турнир бошланди

Бугун пойтахтимизда енгил атлетика бўйича “Silk Road to Tokyo” халқаро турнири старт олди.

Бутунжаҳон енгил атлетика федерациясининг бронза даражасидаги ушбу мусобақада 15 давлатдан 250 нафарга яқин спортчи қатнашмоқда.

17 август куни якунланадиган турнир келаси ой Токио шаҳрида ўтадиган жаҳон чемпионатига рейтинг очколарини тақдим этади. Дастурга кўра, атлетлар 22 йўналиш бўйича беллашишади. Хусусан, Ўзбекистон терма жамоаси аъзолари ҳам асосий таркибда медаллар учун кураш олиб боришади.