Ўзбекистонда янги спорт федерацияси очилди
Тадбирда Спорт вазирлиги ва Миллий Олимпия қўмитаси раҳбарияти, Қатарнинг Ўзбекистондаги Фавқулоддаги ва Мухтор элчиси Ҳасан Ҳамза Ҳошим, Халқаро спорт расмийси, Халқаро киберспорт федерациясининг собиқ Президенти Влад Маринеску, сквош ва падел федерацияси мутасаддилари, шунингдек, ушбу спорт турларининг мухлислари иштирок этишди.
Расмийлар янги федерация ўз ишини бошлагани билан барчани қутлаб, ташкилотнинг келгуси фаолиятига омад тилашди. Ушбу спорт турлари дунё бўйлаб ўз оммавийлигини тобора ошириб бормоқда. Хусусан, сквош Аичи-Нагоя — 2026 ёзги Осиё ва Лос-Анжелес — 2028 ёзги Олимпия ўйинлари дастуридан ўрин олган.
Тадбир давомида ҳар икки йўналиш бўйича профессионал спортчилар ўз маҳоратларини намойиш қилиб, йиғилганларни ушбу спорт турлари билан яқиндан таништиришди.