Шахмат. Бугун Самарқандда FIDE Grand Swiss турнири бошланади

Самарқанд шаҳри 4–16 сентябрь кунлари яна шахмат марказига айланади: 11 турлик швейцар тизимидаги FIDE Grand Swiss ва FIDE Women’s Grand Swiss бўлиб ўтади.

Турнирда жами 172 нафар шахматчи қатнашади (Open: 116, Women: 56). Ғолиб ва иккинчи ўрин эгалари 2026-йилги Номзодлар турнирига йўлланма олади.

Турнирнинг соврин жамғармаси: $855,000 (Open — $625,000; Women — $230,000).

Эркаклар ўртасидаги мусобақада Ўзбекистоннинг 9 нафар, аёллар ўртасидаги турнирда эса 5 нафар вакили қатнашади.

FIDE Grand Swiss 2025 — 1-раунд жуфтликлар (Ўзбекистон вакиллари)

1-раунд старт: 4-сентябрь, 15:00

Эркаклар (Open):

Нодирбек Абдусатторов — Велимир Ивич (Сербия)
Жавоҳир Синдаров — Арам Акобян (Арманистон)
Нодирбек Якуббоев — Абҳиманю Мишра (АҚШ)
Муҳиддин Мадаминов — Даниил Юффа (Испания)
Жаҳонгир Воҳидов — Николас Теодору (Греция)
Абдумалик Абдусалимов — Максим Родштейн (Исроил)
Ортиқ Ниғматов — Шамсиддин Воҳидов
Муҳаммадзоҳид Суяров — Фредерик Сване (Германия)

Аёллар (Women’s):

Гулруҳбегим Тоҳиржонова — Рамешбабу Вайшали (Ҳиндистон)
Гулдона Каримова — Сонг Юсин (Хитой)
Афруза Ҳамдамова — Мария Манко (Швейцария)
Умида Омонова — Оливия Киолбаса (Польша)
Мадинабону Халилова — Антоанета Стефанова (Болгария).

Манба: stadion.uz