US Open-2025: эркаклар ўртасидаги финалчилар аниқланди

Нью-Йорк (АҚШ) шаҳрида хард қопламасида ўтаётган теннис бўйича «Катта шлем» турнири — US Open 2025 мусобақасида эркаклар ўртасидаги якка разряд финалчилари маълум бўлди.

Турнир ғолиблиги учун ҳал қилувчи беллашувда жаҳоннинг биринчи ракеткаси, италиялик Янник Синнер ҳамда ATP рейтингида иккинчи ўринда турган испаниялик Карлос Алькарас ўзаро кураш олиб боради.

Ярим финалда Янник Синнер дунёнинг 27-ракеткаси Феликс Оже-Альяссимни тўрт сетда мағлуб этди — 6:1, 3:6, 6:3, 6:4.

Карлос Алькарас эса финалга чиқиш учун дунёнинг еттинчи рақамли теннисчиси, серб Новак Жоковични уч сетда ортда қолдирди — 6:4, 7:6, 6:2.

Янник Синнер амалдаги US Open ғолиби ҳисобланади.

Ярим финал натижалари:

Янник Синнер — Феликс Оже-Альяссим (27) — 6:1, 3:6, 6:3, 6:4
Карлос Алькарас — Новак Жокович (7) — 6:4, 7:6, 6:2

Манба: stadion.uz