Ливерпуль-2025. Мирзахалилов ЖЧни кучли рақибга қарши ғалаба билан бошлади

Ливерпуль мезбонлигида кечаётган бокс бўйича жаҳон чемпионатида 4-кун баҳслари бошланди.

Эркаклар ўртасида 55 кг вазн тоифасида Миразизбек Мирзахалилов турнирдаги илк жангини ўтказди. Унга ҳиндистонлик Паван Бартвал рақиблик қилди.

Спортчилар бутун 3 раунд давомида интенсив жанг қилишди ва кўплаб зарбалар йўллашди. Ҳамюртимиз эса ҳар учала бўлимда рақибига нисбатан бироз бўлса-да устунликка эга бўлди ҳамда ҳакамларнинг якуний баҳоларига кўра ғалабани қўлга киритди.

Бугун яна 4 нафар боксчимиз рингга кўтарилади:

— 80 кг: Жавоҳир Умматалиев — Никодем Козак (Польша) А ринг. 17:45

— 57 кг: Ҳуморабону Мамажонова — Бояна Гойкович (Черногория) Б ринг. 22:30

— 70 кг Азиза Зокирова — Регина Лакос (Венгрия) А ринг. 23:30

— 65 кг: Асадхўжа Мўйдинхўжаев — Жианхао Жу (Хитой) Б ринг. 01:45

Манба: stadion.uz