Бокс. Азиза Зокирова нокаут эвазига чорак финалга чиқди

Англиянинг Ливерпуль шаҳрида ўткаётган бокс бўйича жаҳон чемпионатида ўзбекистонлик ғалабали юришини давом эттиришмоқда.

Аёллар ўртасида 70 кг. гача бўлган вазнда Азиза Зокирова мусобақадаги ўзининг иккинчи жангини ўтказди. Ҳамюртимизга бу сафар венгриялик Регина Лакос рақиблик қилди.

Азиза ҳамма раундларда устунликка эришди. Боз устига, рақиб учинчи раундда Зокированинг кучли зарбасини ўтказиб юбориши натижасида техник нокаутга учради ва ҳамюртимиз муддатидан аввал ғалабани қўлга киритди.

Шу тариқа, Азиза Зокирова ЖЧда чорак финал йўлланмасини қўлга киритди. Боксчимиз чорак финал баҳсини 9 сентябрь куни ўтказади.

Манба: stadion.uz