Ливерпуль-2025. Асадхўжа Мўйдинхўжаев «класико»да ғалаба қозонди

Англиянинг Ливерпуль шаҳрида бўлиб ўтаётган бокс бўйича жаҳон чемпионатининг чорак финал босқичидан ўрин олган Ўзбекистон-Қозоғистон тўқнашувининг навбатдагиси гувоҳ бўлдик.

Эркаклар ўртасида — 65 кг вазн тоифасида Асадхўжа Мўйдинхўжаев қўшни юрт вакили Ертуған Зейнулиновга қарши мураккабни жангни ўтказди. Қозоқ боксчиси анча тажовузкор ҳаракат қилди. Аммо Асадхўжа тўғри танланган тактика эвазига Зейнулиновни мағлуб этди — 5:0 (30:27, 30:27, 30:27, 30:27, 29:28).

Асадхўжа Мўйдинхўжаев ярим финалга йўл олиб, камида бронза медалини кафолатлади.

Маълумот учун, Зейнуллинов 2024 йилги Қозоғистон чемпиони ҳисобланади. Мўйдинхўжаев эса амалдаги олимпия чемпиони ва 2023 йилги жаҳон чемпиони ҳисобланади.

Манба: stadion.uz