Ливерпуль-2025. Абдумалик Халоков финалга йўл олди

Англиянинг Ливерпуль шаҳрида ўтаётган бокс бўйича жаҳон чемпионатида ярим финал жанглари бўлиб ўтмоқда.

Эркаклар ўртасида 60 кг. вазн тоифасидаги вакилимиз Абдумалик Халоков финал йўлланмаси учун Япония аъзоси Шунсуке Китамотога қарши рингга кўтарилди.

Япон боксчиси маҳоратли спортчимизга жиддий қаршилик кўрсатишга уринди. Шунга қарамай, Халоков ҳакамларнинг барчаси биринчи бўлимда устунликни Халоковга беришди. Иккинчи раунд ўрталарида эса Абдумаликнинг пешонасида ёрилиш юз берди. Шифокор эса унинг жангни давом эттиришига рухсат бермади. Натижада жанг ғолиби икки раунд якунига кўра аниқланди — 5:0 (20:18, 20:18, 20:18, 20:18, 20:18).

Манба: stadion.uz